Frantziako poliziak militante politiko bat atxilotu du astearte goiz honetan Biriatun. Urruñakoa da gaztea sortzez, eta gaur egun Urruñako ikastolako irakaslea da. Baionako Prokuradoreak Mediabaski atzo arratsean zehaztu zionez, "sare sozialetan zabaldutako bideo batean terrorismoaren goratzea egitearen zantzuak" dira atxiloketaren eta Villacorta ikerketapean ematearen arrazoiak.

Urruñako ikastolako irakasleek, langileek eta bulegoak sostengua adierazi nahi izan diote, elkarretaratzera deituz astearte arratsaldean, Urruñako pilota plazan. Oroit, joan den ibiakoitzean errepresioaren kontrako manifestazioa iragan zen Baionan, eta 500 lagun bildu zituen.